Əziz şagirdlər!

Şirvan-Salyan Regional Təhsil İdarəsi bu gündən etibarən yeni müsabiqəyə start verir! 8 Noyabr - Zəfər Günü münasibətilə Şirvan-Salyan Regional Təhsil İdarəsi tərəfindən #ŞagirdlərinZəfərYaradıcılığı# adlı müsabiqə keçiriləcək.

Müsabiqə Qaydaları:

Müsabiqədə iştirak etmək hüququ: Şirvan-Salyan RTİ tabeliyində olan bütün təhsil müəssisələri iştirak edə bilər.

Əl işlərinin sayı: Hər bir şagird yalnız bir əl işi ilə müsabiqəyə qoşula bilər.

Əl işlərinin müəllifliyi: Müsabiqədəki əl işləri yalnız təhsilalanlara məxsus olmalıdır. Təhsilverənlər və valideynlərin müdaxiləsi yolverilməzdir.

Təqdim olunacaq məlumatlar: İştirakçılar öz ad və soyadlarını, təhsil aldığı müəssisənin adını, əlaqə nömrəsini, əl işinin başlığını və əl işinin fotosunu (jpg formatında, yüksək keyfiyyətdə) 31 oktyabr 2024-cü il tarixinə qədər Aybaniz.Huseynzade@salyan.edu.gov.az ünvanına göndərməlidir.

Səsvermə və nəticələr: Qaydalara uyğun gələn əl işlərinin fotoları rəsmi "Facebook səhifəmizdə paylaşılacaq. Ən çox bəyənmə toplayan 3 əl işinin müəllifi Şirvan-Salyan Regional Təhsil İdarəsi tərəfindən hədiyyə və diplomla mükafatlandırılacaq.

Diqqət: Fake profillər və ya müxtəlif proqramlar vasitəsilə toplanan bəyənmələr nəzərə alınmayacaq.