Oktyabrın 11-də  Şirvan-Salyan Regional Təhsil İdarəsinin müdiri Sənan Mənsimli Neftçala şəhər Mehman Səfərov adına İnteqrasiya Təlimli İnternat Tipli Gimnaziyada Neftçala rayon sakinlərini  qəbul edib.
Qəbuldan öncə Neftçala rayonunun ilk şəhidi Mehman Səfərovun gimnaziyanın həyətində ucaldılmış büstü ziyarət edilib, büstün önünə gül dəstələri düzülüb.                                                                                                                                                                                  

Qəbul zamanı vətəndaşlar əsasən işlə təmin olunma, müəllimlərin işə qəbulu və yerdəyişməsi, həmçinin digər məsələlərlə bağlı müraciət ediblər.                                                                                                                                                                                                            

İdarə müdiri qəbula yazılmış vətəndaşların müraciət, şikayət və təkliflərini dinləyərək hər bir müraciətin operativ şəkildə araşdırılması və qaldırılan məsələlərin qanunvericiliyə uyğun həlli istiqamətində idarənin aiddiyatı üzrə struktur bölmələrinin əməkdaşlarına müvafiq tapşırıqlar verib.