İyulun 12-də müəllimlərin işə qəbulu (MİQ) üzrə müsabiqənin test imtahanı mərhələsində tarix, coğrafiya, informatika, fizika və fransız dili fənləri üzrə namizədlər iştirak edib.

Bu gün ümummillikdə Şirvan şəhəri (T.Bağırov adına 11 nömrəli tam orta məktəbdə)və Salyan rayon (2 nömrəli tam orta məktəbdə) təşkil olunan test imtahanlarında 753 nəfər namizəd iştirak edib.

Şirvan -Salyan Regional Təhsil İdarəsinin müdiri Sənan Mənsimli və struktur bölmə rəhbərləri Salyan rayon 2 nömrəli tam orta məktəbdə təşkil olunan imtahanın gedişatını izləyib.

Qeyd edək ki, müəllimlərin işə qəbulu üzrə müsabiqənin test imtahanı mərhələsi 11-15 iyul tarixlərini əhatə edəcək. İmtahanda namizədlərə 150 dəqiqə vaxt verilir.

Müəllimlərin işə qəbulu üzrə müsabiqə yüksək bilik və bacarığa malik təhsilverənlərin aşkarlanmasında bərabər, ədalətli imkandır.

Test imtahanı mərhələsində iştirak edən bütün namizədlərə uğurlar arzulayırıq!