Salyan rayon Gənclər və İdman İdarəsi tərəfindən Salyan rayon 9 saylı tam orta məktəbin idman zalında Salyan rayon İcra Hakimiyyəti Başçısı və Azərbaycan Respublikası Gənclər və İdman naziri ilə razılaşdırılmış, Salyan rayon Gənclər və İdman İdarəsi tərəfindən təsdiq edilmiş iş və tədbirlər planına uyğun olaraq Ümummilli Lider Heydər Əliyevin 15-ci anım ilinə həsr edilmiş ümumtəhsil şəhər məktəbləri arasında voleybol üzrə rayon birinciliyi keçirilib.
      Rayon birinciliyində 8 şəhər məktəbinin komandasının iştirak etdiyi yarışların yekun nəticəsinə əsasən III yeri 9 saylı tam orta məktəbin komandası, II yeri 4 saylı tam orta məktəbin komandası, I yeri isə 6 saylı tam orta məktəbin komandası qazanmışdır.
    İştirakçı və qalib komandalar Salyan rayon Gənclər və İdman İdarəsi tərəfindən kubok və diplomlarla təltif edildilər. Qalib komandaları təltif edən Salyan rayon Gənclər və İdman İdarəsinin rəisi Araz Hüseynov qalib komandaları təbrik edərək onlara uğurlar arzulayıb, qeyd edib ki, rayon birinciliyinin keçirilməsində əsas məqsəd Ümummilli Lideri Heydər Əliyevin əziz xatirəsini yad etmək, rayonda voleybol idman növünün kütləviliyinə nail olmaqdan ibarətdir.