15 oktyabr 2018-ci il tarixdə Salyan rayon Gənclər və İdman İdarəsi tərəfindən Salyan rayon 2 saylı tam orta məktəbin akt zalında 18 oktyabr Dövlət Müstəqilliyi Günü münasibətilə “Müstəqilliyimiz əbədidir” mövzusunda ümumtəhsil məktəbləri arasında intellektual bilik yarışması keçirilmişdir. 
Komandalar şəklində mübarizə aparılan yarışmaya püşkatmadan sonra start verildi. Yekun nəticəyə əsasən intellektual bilik yarışında III yeri Salyan rayon 6 saylı tam orta məktəbin Zəka komandası, II yeri 7 saylı məktəb liseyin Tufan komandası, I yeri isə Arbatan kənd tam orta məktəbin Bilik komandası qazandı. Aşağı Noxudlu kənd tam orta məktəbin Kür komandası isə intellektual bilik yarışının ən fəal komandası seçildi.
                      Qalib və yarışmada fəallığı ilə fərqlənən komandalar Salyan rayon Gənclər və İdman İdarəsi tərəfindən diplomlarla təltif edildilər. Qalib komandaları təltif edən edən Salyan rayon Gənclər və İdman İdarəsinin rəisi Araz Hüseynov bildirdi ki, yarışın keçirilməsində əsas məqsəd 18 oktyabr Dövlət Müstəqilliyi gününü qeyd etmək, Yeniyetmə və gənc məktəblilərin asudə vaxtlarını səmərəli təşkil etmək, onların bilik səviyyəsini və istedadlarını aşkar etmək, intellektual səviyyələrini inkişaf etdirməkdən ibarətdir.