Salyan şəhər humanitar fənlər təmayüllü 1 saylı məktəb - liseydə təhsil alan 1-ci sinif şagirdləri üçün "Əlifba bayramı" ilə əlaqədar tədbir keçirilib.

                 “Əlifba bayramı” hər bir uşağın həyatında əlamətdar bir hadisədir.

                  Birincilər  bu gün həyatda ən vacib addımlardan birini atıblar, onlar artıq hərfləri tanıyır və sərbəst oxuyurlar.

                  Bu bayramın keçirilməsi məktəbdə mühüm bir hadisədir.

                  Məktəbə yenicə qədəm basmış birincilər böyük inam və sevinclə müəllim və valideynləri qarşısında çıxış ediblər.

                  Tədbir akt  zalında keçirilib.

              Məktəbin şagirdləri, müəllim kollektivi, eləcə də birinci sinif şagirdlərinin valideynləri tamaşaçı qismində tədbirdə iştirak ediblər.

           Uşaqlar oxumaq bacarıqları ilə yanaşı, vətənimizin sərvətləri və adət-ənənələrini necə gözəl öyrəndiklərini də nümayiş etdiriblər.