25 may 2018-ci ildə rayon 2 saylı tam orta məktəbin akt zalında Azərbaycan Xalq Cümhuriyyətinin 100 illik yubileyi münasibətilə “Azərbaycan doğma vətənim” mövzusunda ümumtəhsil məktəbləri arasında “Xəmsə” milli intellektual oyunu üzrə rayon birinciliyinin final mərhələsi keçirilib.

             Tədbirdə çıxış edən Salyan rayon Gənclər və İdman İdarəsinin rəisi Araz Hüseynov “Xəmsə” milli intellektual oyunu üzrə keçirilən rayon birinciliyi haqqında ətraflı məlumat verərək bildirib ki, yarışın keçirilməsində əsas məqsəd Azərbaycan Xalq Cümhuriyyətinin 100 illik yubileyinin qeyd olunması, yeniyetmə və gənclərin dünyagörüşünün artırılması, intellektual səviyyəsinin yüksəldilməsi və zehni inkişafına stimul verməkdir.
              Püşkatmadan sonra finalda iştirak edən 8 komanda yarışlara başlayıb.

        Yekun nəticədə Azərbaycan Xalq Cümhuriyyətinin 100 illik yubileyi münasibətilə “Azərbaycan doğma vətənim” mövzusunda ümumtəhsil məktəbləri arasında “Xəmsə” milli intellektual oyunu üzrə rayon birinciliyinin finalında III yeri Çadırlı kənd ümumi orta məktəbin Zəka komandası, II yeri Şəkərli kənd ümumi orta məktəbin Zirvə komandası, I yeri 2 saylı tam orta məktəbin Kəpəz komandası qazanıb.
            “Xəmsə” milli intellektual oyunu üzrə rayon birinciliyində 7 saylı məktəb-liseyin Tufan, Aşağı Noxudlu kənd tam orta məktəbin Şahdağ, Yeni Uluxanlı kənd tam orta məktəbin Aran komandaları xüsusi fəallığı ilə fərqlənən komandalar olub.
            Qaliblər və fərqlənmiş komandalar Salyan rayon Gənclər və İdman İdarəsinin diplom, medal, kubok və hədiyyələri ilə təltif edilib.