16 may 2018-ci il tarixdə Salyan rayon Gənclər və İdman İdarəsi və rayon Təhsil Şöbəsinin birgə təşkilatçılığı ilə Salyan rayon Peyk kənd tam orta məktəbində Azərbaycan gəncliyi 2017-2021-ci illərdə” dövlət proqramının 5.1.4 bəndinə əsasən Azərbaycan Xalq Cümhuriyyətinin 100 illik yubileyi münasibətilə “Azərbaycan doğma vətənim” mövzusunda ümumtəhsil məktəbləri arasında “Xəmsə” milli intellektual oyunu üzrə rayon birinciliyinin II zonası üzrə yarışlar keçirilib.

     “Xəmsə” milli intellektual oyunu üzrə rayon birinciliyinin keçirilməsində əsas məqsəd Azərbaycan Xalq Cümhuriyyətinin yaradılmasının 100 illik yubileyinin qeyd olunması, yeniyetmə və gənclərin dünyagörüşünün artırılması, intellektual səviyyəsinin yüksəldilməsi və zehni inkişafına stimul verməkdən ibarətdir.
     “Xəmsə” milli intellektual oyunu üzrə rayon birinciliyinin II zona üzrə III yeri II Varlı ümumi orta məktəbin Xəzər komandası, II yeri I Varlı kənd tam orta məktəbin Uğur komandası, I yeri Yeni Uluxanlı kənd tam orta məktəbin Aran komandası qazanıb.

       II zona üzrə I, II, III yeri tutmuş komandalar Salyan rayon Gənclər və İdman İdarəsi tərəfindən diplomlarla təltif olunublar.
     II zona üzrə yarışların qalibi olan Yeni Uluxanlı kənd tam orta məktəbin Aran komandası Azərbaycan Xalq Cümhuriyyətinin 100 illik yubileyinə həsr edilmiş ümumtəhsil məktəbləri arasında “Xəmsə” milli intellektual oyunu üzrə rayon birinciliyinin finalına vəsiqə qazanıb.