12.05.2016-ci  il  tarixində  Azərbaycan  Respulikası  Dövlət  Miqrasiya  Xidmətinin  Şirvan  Regional  İdarəsinin  əməkdaşları  ilə  və  Rayonun  ümumtəhsil  məktəblərinin  rəhbərləri  ilə  görüşü  keçirilmişdir. 

     Görüşdə Şirvan  Regional  İdarəsinin  rəisi  İslam  Ağayev  miqrasiya  ilə  bağlı  məsələlər  ətrafında  geniş  məruzə  etmişdir. İ.Ağayev   Dövlət  Miqrasiya  Xidmətinin  yaranma  tarixi,  “Azərbaycan  Respublikası  Dövlət  Miqrasiya  Xidmətinin  Vahid  Miqrasiya  Məlumat  sisteminin  fəaliyyətinin  təmin  edilməsi  haqqında"  Əsasnamənin  müddəalarından  irəli  gələn  məsələlərin  həll  edilməsi  istiqamətində  görülən  tədbirlər  barədə  geniş  məlumat  verdi. 

     Miqrasiya  Proseslərinin  cəmiyyətin  inkişaf  göstəricilərindən  biri  olmasını  vurğulayan  İ.Ağayev  təhsil  sahəsində  də  bu  xidmətdən  istifadə  etmək  üçün  bir  neçə  tövsiyələr  verdi.    

    Rayon  Təhsil  Şöbəsinin  müdiri  X.Piriyev  təhsil  sahəsində  miqrasiya  məsələləri  ilə  bağlı  təhsil  nazirliyinin  təlimatı  məktubunu  əsas  götürərək  şagirdlərin  məktəbə  qəbulu  prosesində  düzgün  sənədləşmə  aparılmasını,  miqrasiya  sənədlərinin  düzgün  olmasına  nəzarətin  artırılması barədə  məktəb  rəhbərlərinə  tapşırıq verdi. 

    Ölkə  ərazisində  miqrasiyanın  tənzimlənməsi  baxımından  vətəndaşların  miqrasiya  qanunvericiliyinə  əməl  etmələri  üçün  maarifləndirici  tədbirlərin  həyata  keçirilməsi  istiqamətində  belə  tədbirlərin  sayının  artırılması  yığıncaq  iştirakçıları  tərəfindən  səsləndirildi.

    IX  və  XI  sinif  şagirdləri  arasında  buraxılış  imtahanları  ilə  bağlı  miqrasiya  sənədləri  qaydasında  olmayan  şagirdlər  barədə  suallara  regional  idarənin  əməkdaşları  ətraflı  izahat  verdilər. 

    Yığıncaqda  bir  daha  qeyd  olunduki  Dövlətin  Miqrasiya  siyasətin  əsas  məqsədi milli  təhlükəsizliyi  və  milli maraqları  qorumaqla  qanunsz  miqrasiyanın  qarşısının  alınması  və  ümumiyyətlə  miqrasiya  proseslərinin  idarə  olunmasıdır.

   Yığıncaq iştirakçıları adından RTŞ-nin müdiri X.Piriyev  maarifləndirici tədbirin keçirilməsinə və geniş məzmunlu, əhatəli çıxışına görə Şirvan  Regional  İdarəsinin  rəisi  İslam  Ağayevə minnətdarlını bildirdi.