Salyan Rayonu üzrə Azad Təhsil İşçiləri Həmkarlar İttifaqı Komitəsinin hesabat-seçki yığıncağı keçirilib.

Hesabat-seçki yığıncağında RTŞ-nin müdiri Xudaverdi Piriyev, RİH Başçısının müavini Rəşad Cəbrayılov,  13 saylı Ərazi Maliyyə Hesablaşma Mərkəzinin rəisi Fəraid Qəhrəmanov, Azərbaycan Təhsil İşçiləri Azad Həmkarlar İttifaqı Respublika Komitəsinin hüquq şöbəsinin müdiri, RTŞ-nin struktur bölmə rəhbərləri və əməkdaşları iştirak ediblər.

Yığıncaqda Salyan rayonu üzrə Təhsil İdarəsi Həmkarlar İttifaqı Komitəsinin 2012-ci ilin aprel ayından 2017-ci ilin aprel ayınadək olan dövr ərzindəki fəaliyyəti haqqında hesabat məruzəsi və Təftiş Komissiyasının hesabatı dinlənilib. Daha sonra təşkilati məsələlər müzakirə olunub.

Hesabat məruzələrindən sonra çıxış edənlər ölkəmizdə ən böyük ictimai təşkilatlardan biri olan ATİAHİ Respublika Komitəsinin rayonda çalışan təhsil işçilərinin sosial rifahının yaxşılaşdırılması, əmək hüquqlarının müdafiəsi və asudə vaxtlarının səmərəli təşkili baxımından üzərinə düşən vəzifələri nəzərə çatdırıb, bu istiqamətdə qarşıda duran digər məsələlərdən söhbət açıblar.

Yığıncaq iştirakçıları Salyan rayonu üzrə Təhsil İdarəsi Həmkarlar İttifaqı Komitəsinin hesabat dövründəki fəaliyyətini qənaətbəxş qiymətləndiriblər.

Sonda təşkilatı məsələlərə baxılıb. Həmkarlar İttifaqı Komitəsinin yeni üzvləri və sədri, eləcə də Təftiş Komissiyasının yeni heyəti seçilib.