Salyan rayon C.Əliyev adına Qardili kənd tam orta məktəbində “Xocali “soyqırımına həsr olunmuş anım tədbiri keçirilmişdir.

      İnsanlığa  qarşı öz vəhşiliyinə və qəddarlığına görə ən dəhşətli kütləvi  soyqırım hadisəsi olan, misli görünməmiş  vəhşiliklə həyata keçirilən  Xocalı soyqırımının anım gününün keçirilməsi məktəblilər arasında  hərbi-vətənpərlik hissinin aşılanmasına,dünyada analoqu olmayan soyqırımlar içərisində ən dəhşətlisi olan bu soyqırımın indiki nəslə çatdırılması istiqamətində görülən tədbirlərdəndir.

   Tədbirdə qanlı faciənin dəhşətlərini əks etdirən  videomaterial göstərilmiş, M.Dilbazinin  “Xocalı fəryadı” əsəri, məktəbin Azərbaycan dili və ədəbiyyat müəllimi A.Ələkbərovanın “ Xocalı harayı” adlı kompazisiyası səhnələşdirilmişdir.

   Tədbirdə Xocalı faciəsinin Azərbaycan  xalqının qan yaddaşı olduğunun dünya ictimaiyyətinə çatdırılmasında  Ulu öndərimiz,müdrik siyasətçi  Heydər Əliyevin  böyük səy göstərməsi xüsusi vurğulanmış və Heydər Əliyevin  çıxışından  ibarət videomaterial təqdim edilmişdir.